Arbizuko eskolan dinosauruen hezurrak aurkitu dituzte 5-6 urteko ikasleek.
Urrian zehar Arbizuko eskolan dinosauruen inguruko proiektua egin dugu.Egia esan asko genekien dinoen inguruan baina gehiago sakondu nahi genuen.
Hasteko informazio berria lortu genuen. Etxetik, liburu, aldizkari, bideo eta jostailuak ekarri genituen. interneten informazio berria bilatu genuen.
Honekin batera, dinosauru bana hautatu eta hauen azterketa sakona egingenuen. Aukeratutako dinosauroekin maketa polit bat ere egin genuen.
Jarraian beraien desagerpenaren inguruko eztabaida izan genuen. Pilpilean dauden bi teorien inguruan. Sumendi izugarrien edo meteorito baten talkaren ondorioz desagertu al ziren gure planetan inoiz bizi izan diren animaliarik haundienak?
Galdera hau erantzun genuenean (zientzialari guztiei gertatzen zaien bezala) beste bat azaldu zitzaigun.
Desagertu baziren nola dakigu existitu zirela? Erantzuna erraza zen… Fosilen bidez. Etxeko eta lagunek zituzten fosilak ekarri genituen orduan eskolara. Behatu, marraztu eta aztertu ondoren, nola sortzen ziren ikasi geOrduan, Arbizun fosilak bilatzea bururatu zitzaigun. Paleontologo (dinosauruak bilatzen dituzten zientzialariak) bihurtuko ginen egun batez.
Eskolako baratzean egin genuen gure indusketa. Hau egiteko materiala bildu eta aurkituko genituen fosil edo hezurrak txukun biltzeko fitxa ere sortu genuen.
Indusketa honetan, sorpresa izugarria izan genuen. Hasi bezain pronto hezur haundiak agerzen hasi ziren.
Hasieran dinosaurio baten fosilak zirela pentsatu genuen baina hezurren azterketa egin ondoren, sakanan oso arrunta den animalia batena zirela ohartu ginen. Asmatuko al duzue zuek zein de animalia hau?
Lau hankatan ibili
belarra Jaten du
Gainean igota
indioa dirudizu.
